Fuxiu agachado nun coche pola porta de atrás da Expourense
O manifesto será entregado hoxe por rexistro
O presidente da Xunta entrou pola porta principal da Expourense, pero saíu pola traseira agachado no interior dun coche oficial (eses que tan pouco lle gustaban...) cos cristais tintados, negándose así a recoller persoalmente o manifesto da Plataforma pola Defensa e Mellora da Sanidade Pública de Ourense, e concertar unha entrevista (el, que seica recibe a todo o mundo !!!).
Esta conduta,
ademais de facer aflorar con todo o realismo e crueza a escasísima habilidade e o
seu baixo perfil como mandatario, amosa o seu verdadeira talante de antidemócrata e a
pouca capacidade que ten de xestionar situacións nas que o público non é o que
o seu grupiño previamente ten escollido.
Resulta patético
que todo un Presidente se preste a presentar por, cando menos, terceira vez en
dous anos, o mesmo proxecto, ante público que só accedía con invitación, e que
se negue a que a cidadanía lle formule ideas, críticas e propostas, abandonando
o recinto como se tivese que escapar por ter feito algo ilícito.
Desde a
Plataforma só queriamos facer entrega dun escrito no que recolliamos as nosas
preocupacións, pero no que tamén faciamos as propostas que consideramos
necesarias levar a cabo para apostar firmemente pola sanidade pública,
universal, gratuíta, máis humanizada, digna e de calidade.
Farémoslle chegar
igualmente o manifesto, solicitaremos unha entrevista co Sr. Feijoo, pero sobre
todo, seguiremos loitando sen descanso por manter e defender un dos piares
fundamentais dunha sociedade avanzada e democrática como é a Sanidade Pública e o dereito á saúde.
No hay comentarios:
Publicar un comentario
Los comentarios se publicaran previa moderación por el administrador del blog, no se publicaran aquellos que sean ofensivos o empleen insultos contra terceros.