O PP VOTA EN CONTRA DUNHA PROPOSTA DO PSdeG NA DEPUTACIÓN CONTRA O DESMANTELAMENTO DA SANIDADE NA PROVINCIA DE OURENSE

Pleno da Deputación de Ourense, 22 de febreiro de 2013.

O voceiro do PP, Plácido Álvarez, acusa á deputada Victoria Morenza de catastrofista e de realizar unha visión apocalíptica da situación sanitaria da provincia







 A deputada Victoria Morenza afirmou que ó falar de sanidade, os socialistas fano fuxindo de frivolidades e demagoxia. Por eso aportaron datos que “falan das persoas e non se escudan nas estatísticas maquilladas”, un esquema que caracteriza ó PP.



         Dirixindose ós deputados do PP, Morenza dixo que ante o desolador panorama que padece a cidadanía da provincia, falarán de que estamos de noraboa porque onte o Presidente Núñez Feijóo anunciou que o Consello da Xunta autorizou o expediente para licitar as obras de ampliación e modernización do Hospital de Ourense (58 millóns de euros). E mentras vostedes falan de robótica, de automatización na distribución de alimentación e medicación ou de habitacións intelixentes, o PSdeG cínguese á crúa realidade, ás historias dunha poboación que padece a cotío unha merma na atención sanitaria e non por culpa dos profesionais do sector, senón polas decisións economicistas e rendabilizadoras de xestores e responsables políticos do PP:


-   Hai que falar do que vostedes eufemísticamente denominan “reorganización” das gardas nos Puntos de Antención Continuada.


-   Falemos da supresión das gardas de farmacia no rural ourensá.



 -  E porque non, falemos da supresión de profesionais nos centros de saúde baseándose na ratio poboacional, sen ter en conta a dispersión xeográfica, principal característica definitoria da maioría dos municipios ourensáns. Esta depauperación estana comezando a padecer municpios como Sarreaus, Muíños, A Veiga ou Laza.


-  E explíquennos señores deputados do PP por qué se están dando pasos axigantados de cara á privatización do servizo de mantemento na área sanitaria integrada de Ourense, no que traballan un total de 94 profesionais.


-  Aclaren por qué o PP toma decisión que inciden negativamente na merma da calidade do servizo sanitario, por qué se están habilitando habitacións con 4 camas ou porque en habitacións minúsculas nas que só colle 1 cama, estanse instalando 2, sen posibilidade de que os pacientes poidan nin abrir as portas do armario e teñan que acumular a roupa en bolsas no chan.



 -  Os ourensáns non acaban de entender cómo unha persoa segue á espera dunha simple operación de varices despois de 3 anos. Ou por qué hai que agardar ata 9 meses para acceder a unha primeira consulta de neuroloxía.


-  Non acabamos de entender porque ás listas de espera non se lle chama polo seu nome e ás persoas que prefiren ser atendidas en instalacións da sanidade pública, pasan a unha listaxe alternativa que se perde no limbo do esquecemento. Vostedes chámana eufemísticamente “lista non estrutural”. Esta falta de transparencia na información preocúpanos máis cás habitacións robotizadas do futuro incerto.



 -  E o que máis nos preocupa é que coas sucesivas decisións que están adoptando en relación coa sanidade pública esteamos volvendo ós anos 70.



-   Por aforrar están aforrando ata no máis básico, no material sanitario, pois constátase que é de pior calidade e ás veces prodúcese desabastecemento. Este aforro na sanidade no único no que repercute é nos complementos de productivade dos xestores, mentres que os traballadores ademais de verse na triste tesitura de ver cómo a Sanidade Pública se desmorona, quítanselles complementos salariais.


-   As urxencias no CHUO están saturadas a cotío, pero para disfrazar a realidade das cifras recórrese a un sistema cuestionable que consiste en non ingresar ao paciente, envialo para o seu domicilio despois de realizar as correspondentes probas. Pero ó cabo dunhas horas os doentes volven a urxencias con similares síntomas. Este método dilapida diñeiro público en detrimento da calidade na asistencia sanitaria e na merma da saúde dos pacientes. Todo para maquillar as cifras e evitar ingresos.



 -  E mentras asistimos a cotío á saturación do complexo hospitalario, comprobamos un panorama desalentador: a 1ª planta do Hospital de Piñor permanece baleira, inutilizada, sen uso. E nin os profesionais nin a sociedade entenden este xeito de xestionar a sanidade.



-  O peche de camas de medicina interna en Piñor, lonxe de mellorar a situación, produciu unha merma na atención especializada porque os enfermos crónicos non reciben a atención de calidade da que gozaban e aumentou a saturación no CHUO.


-   E qué dicir doutra das asignaturas pendentes do Goberno de Feijóo e da propia xerente do CHUO, Eloína Núñez. Estamos a falar do futuro uso das instalacións do Hospital de Toén. En xaneiro o PSdeG presentaba unha moción para que a Xunta defina qué fin se lle vai dar ó complexo do antigo psiquiátrico. Cumpriuse 1 ano dende o seu peche e nunha nova operación de marketing informativo Eloína Núñez para conmemorar tan triste aniversario fala da “posibilidade” de destinar as instalacións a un hospital de enfermos crónicos que sería xestionado por unha ONG. Todo apunta que podería tratarse dun intento privatizador enmascarado de inmobles de titularidade pública.


-   Nos centros de saúde hai lista de espera para facerse unha simple analítica, e os usuarios xa teñen que agardar hasta un mes para unha extracción de sangue.



-  A merma no servizo compróbase durante todo o ano, pois non se cobren as baixas nin os períodos vacacionais dos profesionais.



-  Indefinición da construción dos centros de saúde do Vinteún, O Couto ou Barbadás.



·                   O panorama é desolador:



 Deteriórase a sanidade

Padécese unha clara tendencia privatizadora

Suprímense dereitos

Recórtanse prestacións

Desmantélanse centros

Redúcense os cadros de persoal

Amortízanse vacantes por xubilacións

Recórtanse os salarios dos profesionais

Diminúe a cantidade de material sanitario e a súa calidade
                  ...        e un longo e interminable etcétera.