Admitida a trámite Iniciativa Legislativa Popular en Defensa y Promoción de la Sanidad Pública Gallega.

Acordo da Mesa do Parlamento de Galicia, do 21 de decembro de 2011, polo que se admite

a trámite a Proposición de lei de iniciativa lexislativa popular para a defensa e a promoción

da sanidade pública en Galicia.

A Mesa da Cámara, en sesión do 8 de novembro de 2011,

logo de examinada a Proposición de lei de iniciativa lexislativa

popular para a defensa e a promoción da sanidade

pública en Galicia (doc. núm. 73070), e visto o informe dos

Servizos Xurídicos, constatou que non achegaba:

- Unha declaración escrita por parte de todas e cada unha das

persoas que integran a comisión promotora, coa súa sinatura

persoal, de non estar incursas nas causas de inelixibilidade

ou incompatibilidade aplicables nas eleccións ao Parlamento

de Galicia, é dicir, as previstas nos artigos 4 e 6 da Lei autonómica

8/1985, do 13 de agosto.

- A certificación da Oficina do Censo Electoral que recolla

os elementos acreditativos da súa condición de electores.

Considerando que a omisión dos citados requisitos é un

defecto reparable conforme o disposto no artigo 6 b) da

citada lei, a Mesa acordou requirir a comisión promotora

para que no prazo dun mes os cumprise.

Visto o informe dos Servizos Xurídicos no que se manifesta

que a documentación presentada por María José Abuín

Álvarez, en representación da comisión promotora, cumpre

os requisitos legais que posibilitan a admisión a trámite da

dita proposición de lei, a Mesa adopta o seguinte acordo:

1.º) Admitir a trámite a Proposición de lei de iniciativa lexislativa

popular para a defensa e a promoción da sanidade

pública en Galicia.

2.º) Declarar constituída a comisión promotora cos seguintes membros:

D.ª María José Abuín Álvarez

D. Arístides Álvarez Arce

D. Carlos Jesús Álvarez Fernández

D.ª María Isabel García Díaz

D.ª María Dolores González Lorenzo

D. Manuel González Moreira

D. Xosé Miguel López Pérez

D. Manuel Martín García

D. Javier Martínez Fente

D.ª María Jesús Méndez Conde

D. Verísimo Pazos Besada

D. Carlos Piñeiro Díaz

D. Vicente Vázquez Freire

D. Ramón Veras Castro

Representante para os efectos de comunicación: D.ª María

José Abuín Álvarez.

3.º) Fixar como domicilio para os efectos de comunicación

o seguinte: Rúa Miguel Ferro Caaveiro, núm. 10, 15703-

Santiago de Compostela.

4.º) Notificarlles este acordo á representación da comisión

promotora, á Xunta Electoral de Galicia e ás delegacións

provinciais da Oficina do Censo Electoral, para os efectos

previstos nos artigos 7 e 8 da Lei 1/1988, do 19 de

xaneiro, de iniciativa lexislativa popular ante o Parlamento

de Galicia.

Santiago de Compostela, 22 de decembro de 2011

Pilar Rojo Noguera

Presidenta